მე-19 საუკუნიდან, ფუტკარი გერლენის ემბლემაა. ფუტკარი ამშვენებს ბრენდის ყველაზე ძვირფასი სუნამოების შუშის ბოთლებს და გახდა ისტორიული სახლის ფუფუნებისა და პროდუქტიულობის სიმბოლო. ხელოვნების ობიექტად მიჩნეულ, არც ერთ პარფიუმერულ ბოთლს არ ჰქონია იმდენი კეთილშობილი წოდება, რამდენიც Guerlain-ის ფუტკრის ბოთლს.
მაგრამ როგორ გაჩნდა Guerlain ფუტკრის ბოთლი თავდაპირველად?
პიერ-ფრანსუა-პასკალ გერლენმა თავისი პირველი ბუტიკი 1828 წელს, Rue de Rivoli-ზე, პარიზში გახსნა, სადაც სუნამოებს თავისი ბრენდის თითოეული კლიენტისთვის პერსონალურად ამზადებდა. 1840 წელს, Rue de la Paix-ზე, დიდმა პარფიუმერმა თავისი საუკეთესო კომპოზიციები შექმნა და გახდა ბელგიის დედოფლის ოფიციალური მიმწოდებელი.
1853 წელს, პირველმა ფუტკრის ბოთლმა იხილა დღის სინათლე (Eau de Cologne Impériale-სთვის) და ჩაფიქრებული გახლდათ იმპერატრიცა ევგენიასთვის.
იმპერატრიცა იყო "შესაძლო უკანასკნელი სამეფო პერსონაჟი, რომელმაც პირდაპირი გავლენა მოახდინა მოდაზე", ის გადმოსცემდა სტილებს და სამოსს (კრინოლინები, ბოლერო ქურთუკი, მისი ვარცხნილობა), რომელიც აძლიერებდა ტენდენციებს სწორედ მაშინ, როდესაც პარიზის ფუფუნების ინდუსტრია ყვაოდა.
1853 წელს, იმპერატრიცა ევგენის ნაპოლეონ III-სთან ქორწინების გამო, პიერ-ფრანსუა-პასკალ გერლენმა შექმნა ციტრუსის არომატიზებული Eau de Cologne Impériale. სურნელი სუფთა და ცოცხალი იყო, განსაკუთრებით ერწყმოდა ბერგამოტს, ლიმონს, პეტიგრაინს და ფორთოხლის ყვავილს და კვლავ რჩება Guerlain-ის კატალოგში.
ბოთლის შექმნა, რომელზეც ამოტვიფრულია მისი უდიდებულესობის ემბლემა, დაევალა მინის სახელოსნოს Pochet & du Courval-ს. მეორე საფრანგეთის იმპერიის გერბზე კი ზუსტად ფუტკრის მოტივი იყო გამოსახული.
ეს ცილინდრული ბოთლი რელიეფური ფუტკრებით იყო დაფარული, რომლებიც მოვარაყებული იყო ოქროთი და გადახურული გუმბათისებრი თავით, სადაც ვხვდებით ფილებს, რომლებიც ვენდომის სვეტის გუმბათს მოგვაგონებენ ( Vendôme მდებარეობს Guerlain-ის მაღაზიასთან, Rue de la Paix-თან).
ფუტკარი იმპერიის სიმბოლოა-ერთგვარი უკვდავების და აღდგომის ნიშანი, რაც ასევე განასახიერებს ნაპოლეონ III-ის მიერ დამკვიდრებულ ძალას და იმპერატრიცა ევგენის პოზიციას საფრანგეთში. ფუტკრის დიზაინი ნაპოლეონმა ახალი ფრანგული დინასტიის წარმოსაჩენად აირჩია და ზუსტად ამიტომ გახდა იგი პიერ-ფრანსუა-პასკალ გერლენისა და Pochet & du Courval სახელოსნოს თვალსაჩინო მოტივი. ფუტკრის ბოთლი უნდა ყოფილიყო სასამართლოსადმი მიჯაჭვულობის ნიშანი, მაგრამ ასევე განსაკუთრებული ობიექტი, რომელიც ხაზს უსვამდა იმპერატრიცას სილამაზეს, სისუსტესა და ახალგაზრდობას.
ევგენი მოიხიბლა არომატით. მადლიერმა იმპერატრიცამ, რომელიც მას არამხოლოდ როგორც სუნამოს ისე ატარებდა, არამედ შაკიკსაც შველოდა ოდეკოლონის საშუალებით, პიერ-ფრანსუა-პასკალ გერლენს შესთავაზა "მისი უდიდებულესობის ოფიციალური მიმწოდებლის" ორდერი, რომელიც მას მხოლოდ პოპულარობას და პრესტიჟს უქადდა.
ასე დაიბადა ლეგენდა.
Guerlain-ის რამდენიმე გამოცემა ფუტკარს მთელი თავისი დიდებით იხსენებს. მაგალითად, Secret de la Reine ფლაკონი შეიძლება მოირგოთ როგორც გულსაბნევი ან როგორც გულსაკიდი ჯაჭვზე. იგი შეიქმნა იუველირის ლორენც ბაუმერის მიერ, რომელმაც 500 საათი დაუთმო მასზე მუშაობას. ფლაკონი მორთულია ბრილიანტებით, რომელთა საერთო წონა 14 კარატზე მეტია. ბოთლის კორპუსზე მსხლის ფორმის ბრილიანტზე მცირე ზეწოლის შედეგად ფუტკარი ფრთებს გაშლის და გამოყოფს ბოთლის მფლობელის მიერ არჩეულ დახვეწილ არომატს.
ვის შეუძლია დაივიწყოს მდიდრული L'Abeille de Guerlain, მდიდრული, ექსკლუზიური და ძალიან შეზღუდული. ვინაიდან ფუტკარსაც და სუნამოსაც აქვს კავშირი ყვავილებთან, ტიერი ვასერმა ეს სუნამო შექმნა ყვავილების ბაღის სუნით. კომპოზიცია დაფუძნებულია მიმოზას ნოტებზე, ყურძნის, ფორთოხლის ყვავილის, ჟასმინის, იასამნის, ბაზის ფესვისა და თაფლთან ერთად.
ბროლის ბოთლს უზარმაზარი ფუტკრის ფორმა აქვს, რომელსაც თან ახლავს შუშის აპლიკატორი, რომლის „ფრთები“ ძვირფასი ბრილიანტივით არის დახრილი. ის შექმნილია Baccarat-ის მიერ. დამზადებული 47 ფლაკონიდან თითოეული შეიცავს 245 მლ სუნამოს და 12 500 ევრო ღირს.
გერლენმა ცნობილ გრაფიტის შემსრულებელს JonOne-ს 2015 წელს შეუკვეთა ლეგენდარული ბოთლის თანამედროვე ინტერპრეტაციის შექმნა. შედეგი იყო სამი სუნამო და ფერების სამი სამყარო: Shalimar (ლურჯი ჩრდილები), Petite Robe Noire (ვარდისფერი ჩრდილები) და Rose Barbare (ნარინჯისფერი ჩრდილები). ეს უნიკალური 1 ლიტრიანი ბოთლები ხელმისაწვდომი იყო შეზღუდულ კოლექციაში. თითოეულ ასლს ჰქონდა რიგითი ნომერი და მხატვრის ნიშანი JonOne. ზოგიერთ მათგანს ჯერ კიდევ სთავაზობენ შესყიდვას Guerlain-ის ბუტიკში 68 Champs-Elysées-ზე.
2015 წლიდან, გერლენმა თავის თავზე სოციალური პასუხისმგებლობა აიღო. ეს პროექტი მიზნად ისახავს 2025 წლისთვის 30 000 მეფუტკრის მომზადებას და 10 მილიონი ფუტკრის მოშენებას ევროპაში. 2017 წელს კი სახლმა დაიწყო L'Université des Abeilles ყოველწლიური ღონისძიება, რომელიც აერთიანებს ამ თემის წამყვან სპეციალისტებს გადაწყვეტილებების იდენტიფიცირებისთვის და საუკეთესო პრაქტიკის შესანარჩუნებლად.
ამ ძალისხმევის წყალობით ფუტკრები გააგრძელებენ ფრენას და გაიხსენებენ გერლენის დიდებასა და ლეგენდას.
Comentários